zarauzkohitza.eus

Ekhine Eizagirre baldintzapean aske uztea erabaki du Espainiako Auzitegi Nazionalak

Zarauzko Hitza 2017-11-14 11:35   Politika

Haren gertukoek adierazi dute gaur bertan utziko dutela libre, baina ez dakite noiz.

Ekhine Eizagirre baldintzapean aske uztea erabaki du Espainiako Auzitegi Nazionalak
Ekhine Eizagirre Fresnes kartzelan. | Ikusi handiago | Argazki originala

Gaur 10:00etan izan dute hitzordua Ekhine Eizagirrek eta bere abokatuak Espainiako Auzitegi Nazionaleko epailearekin. Bista "nahiko azkarra" izan dela adierazi diote UROLA KOSTAKO HITZAri preso zarauztarraren gertukoek, eta hura aske uzteko erabakia hartu duela epaileak, beti ere neurri kautelarrekin. Zentzu horretan, ziurrenik tartean-tartean bake epaitegitik igaro beharko du sinatzera.

Hori dela eta, gertukoek  adierazi dute gaur bertan direla aske uztekoak, baina ez dakite noiz. Izan ere, bistaren ondoren, auzitegitik Soto del Real kartzelara bideratu dute, eta dagozkion izapideak bete bitartean egon beharko du bertan. Hainbat herritarrek bidaiatu dute Madrilera. Laster informazio gehiago.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa