Lau urte eta erditik gora kartzelan egon ondoren, atzo goizean erabaki zuen Espainiako Auzitegi Nazionaleko epaileak Ekhine Eizagirre aske uztea. Beharrezko izapideak beteta, 20:00ak inguruan utzi zuten aske zarauztarra, eta Zarautzera bidean jarri ziren hura eta hari Madrilera harrera egitera joan zirenak. 00:30ean iritsi ziren herrira, eta jende ugari batu zen hari ongi etorria egiteko, lehenbizi gaztetxe inguruan eta Musika plazan ondoren.
2017 aza 14 Zarautz