zarauzkohitza.eus

Brontzea Gallorentzat

Zarauzko Hitza 2017-12-03 19:17   Kirola

Hirugarren egin du Aitor Frantzesenak Stance ISA World Adaptive txapelketako finalean, ikusmen arazoak dituztenen mailan.

Brontzea Gallorentzat
Gallo lehian gaurko finalean, La Jollan. (ISA Worlds) | Ikusi handiago | Argazki originala

Ezin izan du titulua berretsi. Aitor Frantzesena Gallo-k hirugarren egin du Stance ISA World Adaptive txapelketako finalean, ikusmen arazoak dituztenen mailan. Dena den, podiuma egin du: hirugarren sailkatu da, Mattew Formston australiarraren eta Fige Diel brasildarraren atzetik, hurrenez hurren.

Frantzesena Dielekin aritu da nor baino nor lehengo zatian, baina brasildarrak aurrea hartu dio 8 puntuko olatu bati esker. 13,93 puntu pilatu ditu australiarrak, garaipena eskuratuz, eta 12,47 puntu brasildarrak. Gallok, berriz, 10,17 puntu lortu ditu, eta Javier Scot txiletarra izan da txandako azkena, 3,50 punturekin.

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa