zarauzkohitza.eus

San Tomas azoka egingo dute larunbatean

Zarauzko Hitza 2017-12-15 09:00   gizartea

AEK-k antolatu du beste urte batez, eta Lege Zaharren enparantzan egingo dute, 10:30etik aurrera.

San Tomas azoka egingo dute larunbatean
Iazko Santomas Azoka, Lege Zaharren enparantzan (Aritz Mutiozabal). | Ikusi handiago | Argazki originala

Abenduaren 21ean da San Tomas eguna, baina Zarautzen aurrez ospatuko dute. Zehazki, larunbat honetarako antolatu dituzte ekitaldiak. Zarauzko AbEnduaK Azoka AEK-k antolatu du, ohi bezala, eta Lege Zaharren enparantzan egingo dute, 10:30etik aurrera. Mintzodromoarekin hasiko dute eguna, eta antolatzaileek adierazi dutenez, euskaraz hitz egin nahi duen bidelagun eta euskaldunberri oro izango da ongi etorria.

12:00etan, berriz, ipuin kontalaria izango da, eta ordubete geroago, 13:00etan, herri kirol erakustaldia. Iaz abiatutako ildoari jarraituz, aurten ere herriko eragileei eskaini die AEK-k talo postua jartzeko aukera eta Zarautz Libre mugimenduari egokitu diote. Jakinarazi dutenez, herriko bost gazteren kontra urtarrilean izango den epaiketako gastuak ordaintzeko baliatuko dute bildutako dirua. Bestalde, otarre baten zozketa egingo dute, txistorra lehiaketa izango da, eta baita girotzeko musika ere.

2017/12/16 10:30

Lege Zaharren enparantzan | Zarautz

Ekitaldi gehiago »»

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa