Zarauzko Udaleko Parekidetasun Sailak, Immigrazio eta Prebentzio zerbitzuarekin elkarlanean, haur eta gurasoei zuzendutako hiru ipuin kontaketa saio antolatu ditu Gabonetarako. Saioak 11:30ean izango dira, Imanol Urbieta Udal Musika Eskolako aretoan.
- Urtarrilaren 2an, asteartean, Oihana Etxegibelek Emozioen zurrunbiloa ipuina kontatuko du, eta haserrea, beldurra, lotsa eta poza bezalako emozioak izango ditu hizpide; 3 eta 6 urte bitartekoentzat eta beren gurasoentzat.
- Urtarrilaren 3an, asteazkenean, Maite Francok Nire etxea zurea da istorio sorta eskainiko du, kulturartekotasuna lantzeko, umorea, misterioa, parte hartzea eta jolasaren bidez; 5 eta 8 urte bitartekoentzat eta beren gurasoentzat.
- Urtarrilaren 4ean, ostegunean, Itziar Saenz de Ojerreki Ipuinetatik jabekuntzarantz istoria kontatuko du, eta bertan, kontalaria ipuinen magiaz baliatuko da izaera, gorputz eta desira anitzen mundu batera bidaiatzeko; 8 eta 10 urte bitartekoentzat eta beren gurasoentzat.