Urtetara joateko nahiz herrigunera itzultzeko autobus zerbitzua izango da datozen bi asteburuetan, auzoan sansebastianak ospatuko direla-eta. Hainbat geltokitatik igaroko da herribusa Urtetara igo aurretik: Maria Etxetxiki Eguneko Zentro paretik, Maxi Eroski ingurutik, kiroldegitik, Bizkaia kalean dagoen Ogiberri saltokitik eta Agoueseneko biribilgunetik. Hilaren 20an itzuli bakarra egingo du erdigunetik Urtetara, 09:55ean Maria Etxetxikitik abiatuta;13:00etan izango da itzulera.
Igandean, berriz, bi itzuli egingo ditu autobusak: lehena 09:55ean Maria Etxetxikitik hasita, eta bigarrena 11:55ean, leku beretik irtenda. 14:00etan bueltatuko da autobusa auzotik herrigunera. Hilaren 27an, gaueko zerbitzua eskainiko dute: 21:55ean aterako da Maria Etxetxikitik, eta 02:00etan jaitsiko da Urtetatik.
Datozen bi asteburuetan ospatuko dituzte auzo horretan Sebastian Deunaren festak. Herrigunetik Urtetara joateko eta bertatik itzultzeko herribusa izango da erabilgarri.
