Baleike.eus atariak zaurituetako batekin hitz egin du, eta gertatutakoa kontatu dio: "Susto handia izan zen baina onik gaude".
Bi lagun arin zauritu dira, olatu batek autobus bat jo ondoren
2018ko urt. 18a, 10:47
Olatu handi batek Zarautz eta Getaria arteko N-634 errepidean zihoan autobus bat jo zuen atzo arratsaldean, eta bi lagunek zauri arinak izan zituzten. Ezbeharra 16:50 aldean gertatu zen, eta zaurituak 20 urte inguruko bi neska zumaiar izan ziren. Getarian artatu zituzten biak, eta ez zituzten ospitalera eraman behar izan.