2018an hainbat jarduera bideratuko ditu eskualdeko Turismoa Dinamizatzeko Mahaiak, eskualdeko turismo eskaintza bidaia agentziei, gidariei eta turismo arloko profesionalei ezagutzera emateko. Joan den martxoaren 15ekoa egin zuten urteko lehen lan saioa, Orioko Arraunetxean.
Guztira, 23 lagunek hartu zuten parte: eskualdeko turismoaren arloko enpresetako kideek, Euskadiko bidaia agentzia nahiz turismo gidariak eta, azkenik, eskualdeko turismo bulegoetako eta Udal Elkarteko ordezkariak. Hain justu ere, bidaia agentziek eta turismo gidariek aukera izan zuten eskualdearen turismo eskaintza bertatik bertara ezagutzeko, zerbitzu horiek eskaintzen dituzten enpresen eskutik.