Aritzbataldeko norgehiagokan, hasieratik aurretik izan zen etxeko taldea. Minutuak aurrera zihoazela, bi markagailuen arteko aldea handituz joan zen, eta atsedenaldira lau goleko aldearekin iritsi ziren zarauztarrak (14-10). Bigarren zatiaren erdialdean alde hori handitzeko aukera izan zuten, eta azken minuturarte hala eutsiz, 25-19ko markagailuarekin amaitu zen partida.
Nesken kasuan, lehenengo zatian defentsan egin zuten lana azpimarratu beharra dago, 5 gol bakarrik sartu baitzizkieten aldageletara joan aurretik, eta eurek 13 sartu zituzten. Lehen zatian halako aldea aterata, hurrengo hogeita hamar minutuetan alde horri eutsi zieten, eta 19-26ko markagailuarekin itzuli ziren etxera Ermuatik.
Hurrengo jardunaldia
Datorren asteburuan, Aialak Muskiz izango du aurkari etxean. Partida larunbatean izango da, 17:00etan, Aritzbatalde kiroldegian. Amenabarreko mutilek, berriz, Gijonera bidaiatuko dute, R.G.C. Covadongaren aurka lehiatzeko, larunbatean.