Ziklomotorren IAT (Ibilgailuen Azterketa Teknikoa) egitera etorriko dira Applus Iteuve Euskadi enpresako kideak. Maiatzaren 11, 15, 16, 17 eta 18an, 9:00etatik 14:00etara, Astiko aparkalekuan burutuko ditu enpresa honek azterketak. Bi gurpileko ziklomotorrei bakarrik egingo zaie azterketa; motozikletei eta lau gurpileko ziklomotorrei ez zaie azterketa egiteko aukerarik eskainiko.
Azterketa egin nahi izanez gero, eraman beharreko dokumentazioa ondokoa da: ziklomotorraren ezaugarri teknikoen ziurtagiri originala, zirkulazio baimena, derrigorrezko asegurua eta titularraren NANa. Azterketaren kostua 27,52 eurokoa izango da eta aldez aurretik txanda hartu beharko da Udaltzaingoaren bulegoan, apirilaren 26tik aurrera.