Obra eta Zerbitzu zinegotzi Iban San Martinek ohar bidez azaldu du udala zergatik ari den tratamendu berezia ematen Gurmendi plazako egurrezko lurrari: "Lur hori arriskutsua da oinezkoentzat, batez ere euria egiten duenean, bustitzen denean erortzeko arriskua dagoelako. Arrisku hori murrizteko ari gara lanean".
Udalak Prolinor enpresari adjudikatu dio mantenuaren ardura, oinezkoen segurtasuna bermatze aldera. Eta, tratamenduari esker, zoruaren segurtasuna hamar urtez bermatuko dela zehaztu du udalak. Dena dela, beharko balitz, bost urtera berriz emango luke tratamendua.
Irristaketak saihesteko tratamenduaz gain, garbiketa sakona ari da egiten eremuan.