zarauzkohitza.eus

Eskolarteko III. Xake Festa egingo dute maiatzaren 19an

Onintza Lete Arrieta 2018-05-11 11:41   Kirola

Zortzi eta hamasei urte arteko edozein gaztetxok har dezake parte xake txapelketan. Horretarako, ordea, derrigorrezkoa izango da  izena ematea (doan). Xake partidez gain, tailerrak eta jolasak antolatu dituzte.

Eskolarteko III. Xake Festa egingo dute maiatzaren 19an
Iazko txapelketako une bat (Aritz Mutiozabal) | Ikusi handiago | Argazki originala

Orokieta Herri Eskolak eta Zarautz Kirol Elkarteko Xake Sailak antolatu dute Eskolarteko III. Xake Festa. Maiatzaren 19an, larunbatez, ospatuko dute jaia. Zortzi eta hamasei urte arteko gaztetxoek jokatu ahalko dituzte partidak, eta antolatzaileek jakinarazi dutenez, edonork har dezake parte. Hori bai, derrigorrezkoa izango da aurrez izena ematea, doan.

Jokoaren ezaugarriei dagokienez, sistema suitzarra erabiliko dute, 7 txandatan. Jokalari bakoitzak 15 minutu izango ditu.

Xake txapelketaz gain, egun osoan zehar tailerrak eta jolasak egongo direla azaldu dute.

Egitaraua:

10:00: Izen-ematearen baieztapena.

10:30: Txapelketaren hasiera.

13:30: Goizeko txanden amaiera. Parte hartzaileei bazkaria emango zaie.

16:00: Azken hiru txanden hasiera.

18:00: Sari banaketa.

 

 

 

2018/05/19 10:00etatik 19:00etara

Zarautz

Ekitaldi gehiago »»

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa