zarauzkohitza.eus

Kamel Ziani eta Lourdes Colomo garaile Zarauzko II. Herri Lasterketan

Zarauzko Hitza 2018-05-13 14:35   Kirola

Zarauztarren artean Guillermo Vahl eta Nerea Mujika izan dira helmuga zeharkatzen lehenak.

Kamel Ziani eta Lourdes Colomo garaile Zarauzko II. Herri Lasterketan
Kamel Ziani helmugara iristen (Aritz Mutiozabal). | Ikusi handiago | Argazki originala

Bigarren urtez jarraian, A 3 el Km! taldeak Zarauzko Herri Lasterketa antolatu du, eta gaur goizean jokatu da herrian barna, 116 korrikalariren parte hartzearekin. Aurten, 8,5 kilometroko ibilbidea osatzen azkarrenak Kamel Ziani oriotarra (28:58) eta Lourdes Colomo (35:39) zizurkildarra izan dira, eta bi garaileak alde politarekin helmugaratu dira.

Gizonezkoetan, Zianiren atzetik iritsi dira Txomin Marañon durangarra eta Jose Antonio Gomez irundarra; bigarren eta hirugarren postuan, 19 eta 34 segundora, hurrenez hurren. Emakumezkoetan, Ioana Osa ondarroarra izan da bigarrena, Colomorengandik minutu eta 13 segundora; hirugarren sailkatu da Laiane Arrospide tolosarra, bigarren postutik 2 segundo eskasera.

Zarauztarren artean, gizonezkoetan, Guillermo Vahl izan da nagusi; bosgarrena izan da sailkapen orokorrean, 30:13ko denborarekin. Bigarrena Tomas Agirre izan da, eta hirugarrena Ibai Berazierto, lasterketaren sustatzeailea. Emakumezkoetan, berriz, Nerea Mujika izan da Zarauzko azkarrena; emakumezkoetan bosgarrena izan da hau ere sailkapenean, 37:41ekoarekin. Bere atzetik, hurrenez hurren, Lide Azkue eta Itziar Freire geratu dira.

Sailkapenak eta denborak ikusteko klikatu gainean.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa