KAE 1 ligako lehen bi estropadak jokatu zituzten asteburuan, Portugaleteko uretan; larunbatean, erlojupekoa (ez zen izan puntuagarria), eta igandean, lau kaletara. Enbatako arraunlariek lan txukuna osatu zuten egun batean zein bestean: larunbatean, 5. postua eskuratu zuteen; igandean, berriz, 6. postua. Ondorioz, 6.ak dira sailkapen orokorrean, 7 punturekin.
Hona hemen Zarautz Arraun Elkarteak bere Facebook kontura igo duen bideoa, zeinean Enbata ontzia lehian ikusten den.
Bestalde, asteburu honetan jardunaldi bakarra izango dute: Donibane Lohizunen izango dute estropada, larunbatean (ekainak 23), 16:00etatik aurrera.