Zumba jaialdia antolatu dute hilaren 14rako
2018ko abu. 8a, 10:00
Amabirjinei eta Aste Nagusiari hasiera emate aldera, abuztuaren 14rako zumba antolatu dute udaleko Jaiak eta Ekitaldiak sailak eta Kirol sailak, BPXport enpresarekin elkarlanean. Dantza gorputza mugitzeko aukera izango da, doan, malekoian (Dama parean). 17:30ean, familian gozatzeko parada izango da, eta 18:30ean, helduentzako saioari ekingo diote.