Udako Musikaldiko egitarauaren barruan, gaur Josu Obregon txelo-jotzailearen eta Daniel Oyarzabal organo-jotzailearen kontzertua izango da. 22:00etan eskainiko dute emanaldia, Zarauzko parrokian. Autore ugariren piezak joko dituzte, hala nola, P. Tchaikovsky, M. Mussorgski edo J. Guridirenak. Bi musikariek dute nazioarteko ibilbide oparoa, eta sari asko eskuratu dituzte musika munduan.