zarauzkohitza.eus

Astelehenean deklaratuko dute Bizitza Da Handiena mugimenduko Zarauzko bi bizilagunak

Zarauzko Hitza 2018-09-12 15:55   Politika

Maiatzean atxilotu zituen Ertzaintzak Tabakaleran, Turismoaren Mundu Erakundeak Donostian egin zuen goi bileraren kontrako mobilizazioetan parte hartzen ari zirela. Auzipetuei elkartasuna erakusteko hainbat mobilizazio egingo dituzte, gaur arratsaldean aurrenekoa: elkartasun argazkia aterako dute, Tabakaleran. 

Astelehenean deklaratuko dute Bizitza Da Handiena mugimenduko Zarauzko bi bizilagunak
Zarauzko bi bizilagunak atxilotu zituzten unea, aurtengo maiatzean (Irutxuloko Hitza) | Ikusi handiago | Argazki originala

Maiatzean Zarauzko bi bizilagun atxilotu zituen Ertzaintzak Donostian, Tabakaleran protesta batean parte hartzen ari zirenean. Turismoaren Mundu Erakundeak Donostian egin zuen goi bileraren kontra deitu zuen protesta Bizitza Da Handiena mugimenduak, eta hantxe hartu zituzten atxilo oriotar bat eta zarauztar bat.

Mugimenduak gaur jakinarazi du irailaren 17an eta 25ean epaituko dituztela auzipetuak, eta hainbat mobilizazio iragarri ditu datozen egunetarako. Gaur 19:00etan, esaterako, Tabakaleran elkartasun argazkia aterako dute.

Beste bi mobilizazioak Donostiako Egia auzoko epaitegien parean izango dira, irailaren 17an, 09:30ean, eta irailaren 25ean, 10:00etan. Elkarretaratzeak egingo dituzte han.

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa