Gaur jokatu da Getariako XVII. Salbatore Biatloia, 12:00etan hasita. Ordubete lehenago, Biatloi txikian hartu dute parte 9-15 urteko bitarteko gaztetxoek, bi txandatan: 9-11 urte bitartekoak lehenengo, eta 12-15 urte bitartekoak ondoren.
9-11 urte bitartekoek 75 metro igerian eta 250 metro lasterka egin dituzte, eta 14 partaide izan dira. Miren Iturzaeta azpeitiarrak irabazi du, eta mutiletan, Julen Penko zarauztarra izan da lehenengoa. 12-15 urte bitartekoen kategorian, berriz, 6 partaide izan dira, eta 150 metro igerian eta 500 metro lasterka burutu dituzte. Alazne Sudupe azkoitiarrak lortu du garaipena, eta mutiletan, Unax Julen Mendez getariarrak egin du denborarik onena.