zarauzkohitza.eus

Gaur ireki dute Sormen Bekarako izen-ematea

Zarauzko Hitza 2018-09-17 12:16   gizartea

Irailaren 28ra bitartean egongo da zabalik, eta diru-laguntza Zarauzko Gazteria Departamentutik bideratuko da.

Gaur ireki dute Gazteria Departamentuaren Sormenerako eta Kultur Hedapenerako Bekarako izen-ematea. Irailaren 28ra arte egongo da zabalik. Gazteek beka eskuratzeko aurkeztu ditzaketen proiektuak honako hauek dira: musika grabaketak, kultur argitalpenak, antzezlanen ekoizpena, ikus-entzunezkoak, teknologia berriekin erlazionatutako lanak... Departamentutik adierazi dutenez, kultur hedapenarekin erlazionatutako euskarazko lan oro onartuko dute.

14-30 urte bitarteko gazteek egin dezakete diru-laguntza eskaera, Herritarren Arreta Zerbitzuan (Kale Nagusia, 29). Informazio gehiago nahi izanez gero, 943 005 122 zenbakira deitzeko, gazteri@zarautz.eus helbidera idazteko edo 688 812 439 zenbakira Whatsapp mezu bat bidaltzeko aukera eman dute.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa