Euskal Kosta Kroseko lehen proba 15:45ean hasi da, irristaketako lasterketarekin. Malekoitik abiatu dira 200 parte hartzaile patinetan, eta Getariara joan-etorri egin dute. Eguraldia lagun, aparteko arazorik gabe joan da lasterketa, nahiz eta guneren batean zoruarene egoeragatik kontuz ibili behar izan duten.
Ihesaldia ere izan da lasterketan, Iñigo Vidondo irabazleak alde egin baitio pelotoiari, eta bakarrik helmugaratu baita, lau minutuko aldea aterata bigarrenari, gainera. 24:23 denbora egin du Vidondok. Idoia Martinez de Lafuente izan da aurreneko emakumea, eta pelotoian iritsi da hura. 28:08 denbora egin du.
SAILKAPENA
Gizonezkoak:
1. Iñigo Vidondo 24:23
2. Daniel Muro 28:04
3. Asier Peña 28:06
Emakumezkoak:
1. Idoia Martinez de Lafuente 28:08
2. Oihane Ziganda 30:01
3. Bego Huerta 30:04