Old Seed bakarlari kanadarrak kontzertua eskainiko du Putzuzulo gaztetxean, urriaren 21ean, 12:30ean. Indie eta folk doinuak nahasten ditu Old Seedek. "Uzten bazara, zuzenean murgilduko zaitu bere mundura: delikatua, leherkorra eta unetan oso gordina izan arren beti bere puntuan. Ertz goxatuak baina irristakorra izatera iritsi gabe. Batez ere, musika zintzoa".
Kontzertuarekin batera, pintxo potea eta bermuta ere izango dira Putzuzulon. "Musika bikaina, artista erraldoia, janaria eta bermuta. Zer hobeto igande goiz baterako?".