Arkamurka Natura Elkarteak XXXIX. Natura Astea antolatu du urriaren 22tik 28ra, Zarauzko Udalaren laguntzarekin. Aurten jorratuko den gai nagusia belardia izango da. Arkamurkaren egoitzan hitzaldi desberdinak eskainiko dituzte astean zehar, eta asteburuan, erakusketak izango dira Merkatu plazan.
XXXIX. Natura Astea
Hitzaldiak
Hitzaldi guztiak Arkamurka Natura Elkartearen egoitzan izango dira (Santa Marina, 2-2).
Urriak 22, astelehena
20:15. Belardietako perretxikoak, Joxepo Teres, Aranzadi Zientzia Elkarteko eta Arkamurka Natura Elkarteko kidearen eskutik, hitzaldia.
Urriak 23, asteartea
20:15. Larren bilakaera Euskal Herri atlantiarreko paisaia. Giza jardueraren isla. Aitor Salaberria, ingurumen-kudeaketan adituaren eskutik, hitzaldia.
Urriak 24, asteazkena
20:15. Belardien polinizazioa. Haizea eta erleak. Martxel Aizpurua, botanikari eta erlezainaren eskutik, hitzaldia
Urriak 25, osteguna
20:15. Zein da otsoen kontserbazioaren kostua Euskadin? (gazteleraz). Jorge Etxegarai, ingurumen-zientzietan lizentziatua eta Euskadiko Otso Taldeko kidearen eskutik.
Erakusketak
Urriak 27, larunbata
11:00-14:00, 16:30-19:30. Perretxiko sailkatzea, Arkamurka eta Aranzadi elkarteen laguntzarekin, Merkatu plazan.
Urriak 28, igandea
11:00-14:00, 16:30-19:30. Perretxiko erakusketa, kontsulta-txokoa eta txoko didaktikoa, Merkatu plazako beheko solairuan.
11:00-14:00, 16:30-19:30. Zarauzko inguru naturala, Merkatuko lehen solairuan.