- Ohiturak aldatuko ditugu. Posible da. Ariketa taldean egingo dugu. Ez zara bakarrik egongo.
- Ikurra eta hitza. Erakutsi zure hautua. 11 egunez txapa agerian eraman eta lehen hitza euskaraz egitera anima zaitez.
- Aztertu zure ohiturak eta ekin euskarari. Aztertu nork eta zertarako erabiltzen duen euskara zurekin. Proposatu bide berriak zabaltzea euskarari.
- Zailtasunen aurrean ez etsi. Gonbidatu solaskideak euskaraz egitera. Saiatzea merezi du.
- Baztertu aurreiritziak eta eutsi erabakiari. Aztertu nola gainditu zure eta ingurukoen aurreiritziak. Euskara ezustekoz beterik dago.
- Adostu ariketa ingurukoekin. Hurbilekoekin hasi eta ekin inertziak apurtzeari. Gonbidatu lagunak ariketan parte hartzera.
- Belarriprest jokaera aktiboa da. Adierazi solaskideei euskara jaso nahi duzula eta, zeuk ere, nahi beste erabili.
- Elkartrukatu esperientziak beste parte hartzaileekin. Jaso zure bizipenak eta partekatu gainontzeko belarriprest eta ahobiziekin.
- Elkarrizketa elebidunetan eskatu euskara. Egoera bakoitzean zuk ahal eta nahi duzun hizkuntza erabili, baina eskatu euskaldunei zuri euskaraz egiteko.
- Zure euskara da euskararik onena. Belarriprest zara, praktikatu euskara ahal eta nahi duzun guztietan.
Azaroaren 23tik abenduaren 3ra izango da Euskaraldia. Belarriprest rola hartzen duenak, berari euskaraz egiteko eskatuko die denei. Hona hemen Belarriprestei zuzendutako hamar gomendio.