Irudietan: Kolorezko argi-itzalen Argazki Mostra

Gipuzkoa, Kantabria eta Malasiako lau argazkilariren lanak bildu dituzte Sanz Enean. Abenduaren 9ra arte egongo dira ikusgai, egunero, 18:00etatik 20:00etara.

Antton Lopezen (Gipuzkoa) lanak urrun daude argazkilaritza konbentzionaletik. Fotograma deitutako prozedura erabiltzen du; hurbiltzen denak ezin du zehaztasuna bilatu, iradokizun bat bakarrik. Gema Arrugaetak (Gipuzkoa) irudikatu du Nafarroako Bortzirietako Tximista errekak itsasorantz egiten duen bidea.

Antonio Manzanok (Kantabria, Espainia), enpatiaz beteriko argazkiak jarri ditu erakusgai Sanz Enean, pobreenen azalean sartzera gonbidatzen dutenak. Azkenik, Danny Yen Sin Wong (Malasia) da aurtengo Argazki Mostrako artistarik ezagunena mundu mailan. Malasiako argazkilariak gune exotikoetako argazkiak egin ditu, koloreekin jolastuz. Haietako batzuk daude ikusgai Sanz Enea kulturgunean.

Erlazionatuak

Nazioarteko Argazki Mostra inauguratuko dute gaur

Zarautz

Zarauzko Argazkizale Elkartearen eskutik, 26. edizioa izango da aurtengoa, eta Gipuzkoa, Kantabria eta Malasiako argazkilarien lanak bilduko dituzt...