Urola Kostako Udal Elkarteak sei hilabeterako pertsona bat kontratatuko du. Mantentze-lanak egiteko lantaldearen enkargatua izango da, eta eskualdeko hainbat eremu eta espazioetan arituko dira beren jardunean.
"Taldea koordinatzea, lantaldearen laneko segurtasun eta osasuna zaindu eta bermatzea, lanak antolatzea, lanean erakutsi eta laguntzea eta lanen kalitatea zaindu eta bermatzea" dira egitekoak, udal elkarteak azaldu duenez.
Hautagaiek Lanbide- Euskal Enplegu Zerbitzuan alta egoeran inskribatuta egon beharko dute eskabidea aurkezteko epe-muga amaitu aurretik. Azaroaren 23an amaituko da lanposturako izena emateko epea hori.
Argibide guztiak Urola Kostako Udal Elkartearen webgunean daude irakurgai.