Gaur goizean Zarauzko 40. Bikote Mistoen Krosa jokatu da herrigunean, eta Irene Loizate durangarra eta Joanes Goitisolo gernikarra izan dira txapeldunak. Bizkaitarrek abiada bizian osatu dute 7,5 kilometroko ibilbidea, 00:26:45 denboran hain zuzen ere. Bigarren izan da Urtzi Murgiak eta Maite Arraizak (00:29:07) osatutako bikotea, eta hirugarren sailkatu dira Aitziber Urkiola eta Jon Illarramendi (00:29:22) eibartarrak.
Zarauztarren artean, Usoa Ostolaza eta Julen Usandizaga izan dira azkarrenak, 00:29:54 denbora eginda. Bigarren sailkatu dira, Josune Zabala eta Alex Ostolaza ama-semeak (00:32:36), eta hirugarrenak izan dira Itziar Freire eta Asier Freire, 00:33:22 denborarekin.