Bi aste baino ez dira falta Sebastian Deunaren egunerako, eta Urtetan prest dute aurtengo jaietako egitaraua. Urtarrilaren 19an eta 20an eta urtarrilaren 25ean eta 26an ospatuko dituzte festak, ondoko egitarauarekin:
Egitaraua
Urtarrilak 19, larunbata
-Eguerdian: Neska-mutil Ardokoek omenaldi bazkaria eskainiko diete auzoko edadetuei.
-23:00etan: Erromeria Arkaitz Allur eta Unai Narbaizaren eskutik.
Urtarrilak 20, igandea
-10:30ean: Meza nagusia.
-11:00etan: auzo elkartean, hamaiketakoa.
-Ondoren: Herri kirol festa Izeta harrijasotzaile eskolaren eskutik (Hodei iruretagoiena Izeta IV.a, Mikel Lopetegi Urra, Xabat Olaizola eta Iraitz Arruti Burnitxiki.
-Jarraian: Sokatira desafioa auzoko Neska-mutil Ardoaren eta ezkonduen artean.
-18:30ean: Erromeria Elustondo anai-arrebekin.
Urtarrilak 25, ostirala
-21:00etan: Bertso afaria auzo elkartean. Andoni Egaña eta Iker Zubeldia ariko dira bertsotan, eta musika Iñaki eta Josebak eskainiko dute.
-Jarraian: Erromeria goizaldera arte.
Urtarrilak 26, larunbata
-16:00etan: Urtetako XIX. Mus Txapelketa Azkarra. Bikoteko 20 euro kostako da.
-23:00etan: Kontzertuak Frontoian. Hortzaka, Fan & Go eta ondoren Dj Ara eta Xiarroman.
Autobus zerbitzua
Antolatzaileek jakinarazi dutenez, autobus zerbitzua egongo da auzoaren eta herrigunearen artean urtarrilaren 20an eta 26an. Urtarrilaren 20an, auzora igotzeko 10:00etan eta 12:00etan jarri dituzte autobusak. Jaisteko, berriz, 14:00etan.
Hilaren 26an, berriz, igotzeko 22:00etan eta 23:00etan, eta jaisteko 03:00etan.
Informazio gehiago sare sozialen bidez zehaztuko dutela azaldu dute.