Ireki dute Mahasti Kroserako izen-ematea

Ireki dute Mahasti Kroserako izen-ematea

Martxoaren 10ean, igandea, Mahasti Krosa jokatuko dute Zarautzen, Talai Berri txakolindegitik hasi eta inguruko mahastietan barrena. Iaz antolatu zuten lasterketa aurrenekoz, Talai Berri txakolindegiaren 25. urteurreneko ospakizunen barruan.

Aurtengo ediziorako izen-ematea ireki dute jada, eta gehienez 100 lagunek hartu ahalko dute parte. Beraz, iazko arrakasta ikusita, interesa dutenek lehenbailehen eman beharko dute izena herrikrosa.eus webgunean, 12 eurotan.