Gipuzkoako ohiturei buruzko hirugarren saioa egingo dute Photomuseumen

Gipuzkoako ohiturei buruzko hirugarren saioa egingo dute Photomuseumen

Kulturaren difusiorako Aula/Gela programaren aste honetako saioan ere Gipuzkoako ohiturak landuko dituzte. Abenduan izan zen lehenengo saioa; aurreko ostiralean, urtarrilak 4, bigarren saioa egin zuten; eta ostiral honetan, urtarrilak 11, hirugarren zatiari helduko diote. 18:00etan izango da, Photomuseumen.

Antolatzaileen arabera, "gure lurraldeko ohiturak ezagutzeko" aukera izango dute bertaratzen direnek; "horietariko asko aspaldikoak dira, denbora luzez iraun dutenak eta galtzear daudenak, hain zuzen". Gai honi buruzko lehenengo zatian bezala, euskal etnografia izango dute hizpide, "gure historia kolektiboaren zati garrantzitsua".