Neguetxearen itxieraren harira, EH Bilduren oharra
Egunotako tenperaturak are latzago egingo ditu aterperik ez dutenen bizi baldintzak eta Zarauzko Neguetxea ez irekitzea benetan larria dela uste du EH Bilduk. Negu gorrian horrelako erabaki bat ez aurreikusteak udal gobernuaren prebisio falta eta arduragabekeria izugarria uzten du agerian.
Horregatik, EH Bilduk egoera horri berehalako erantzun bat emateko eskatzen dio EAJ-PSEri. Udal eraikinetan zerbitzu hori emateko gaitasunik ez badu, herriaren erdi-erdian hutsik dagoen Santa Klara komentuan behin-behineko aterpe bat eskaintzeko aukera lantzeko eta negoziatzeko proposatzen du EH Bilduk.