Larunbatean jokatu zen txapelketa, eta Antoniano Kirol Elkartetik zortzi parte hartzaile bertan izan baziren ere, Agirrek soilik lortu zuen podiumean sartzea. Horiez gain, beste Elkarte batzuekin lehiatu zuten beste bi zarauztar ere izan ziren bertan.
Juniorra da Agirre, baina txapelketa absolutuan hartu zuen parte, bertan, 10,32 metroko marka eginda. Sailkapen orokorrean hirugarren postua lortu bazuen ere (Bizkaia eta Gipuzkoaren sailkapen bateratua), bigarren gipuzkoarra izan zen zarauztarra.