Azken txanpara iritsi dira Urtetako Sebastian Deunaren festak. Sansebastianak biribiltzeko, Mus Txapelketa azkarra ari dira ospatzen Eliz Mendi elkartean. Lehen lau bikote sailkatuek jasoko dituzte sariak. Irabazleek 400 euro, txapelak eta trofeoak jasoko dituzte. Azpitxapeldunek 250 euro eta trofeoak; hirugarren sailkatuek, 150 euro, eta laugarrenek, 100 euro.
Zozketaren irabazlea ere jakinarazi dute dagoeneko. Hain zuzen ere, 1.890 zenbakidunari egokitu zaio saria.
Festak biribiltzeko, Fan & Go, Hortzaka, DJ Ara eta DJ Xiarroman izango dira gaua girotzen. Zarauztik Urtetara igotzeko autobus zerbitzu bereziak jarri dituzte 22:00etan eta 23:00etan, eta jaisteko, 03:00etan izango da aukera.