Manifestazioa antolatu dute otsailaren 23rako, larunbata, Lege Zaharren Enparantzatik hasita. 13:00etan elkartuko dira bertan, eta herriko kaleetatik zabalduko dute "Neguetxe berehala irekitzeko" aldarria.
Bestalde, igandean, 16:30ean bilduko dira Putzuzulon gaiaren inguruko lanketarekin aurrera egiteko. "Udalak erakutsitako borondate falta medio, konbentzituta gaude egoerari geronek egin behar diogula aurre", adierazi dute komunikatu baten bidez. Azaldu dutenez, boluntario-zerrendak osatzen ari dira etorkizunean martxan jarriko dituzten ekimenetan laguntzeko. Gogoz dagoen oro negukoetxea@gmail.com helbide elektronikora mezu bat bidaltzera gonbidatu dute.