Zarautz Balea Igeriketa Kirol Elkartearen eskutik, 2019ko uztailaren 20-21eko asteburuan izango da 49. Itsas Zeharkaldia. Aurtengoan, Getaria-Zarautz probaz gain, Zarautz-Getaria-Zarautz proba egiteko aukera ere izango da.
Bihar, otsailak 23, 09:00etan irekiko dute Itsas Zeharkaldian izena emateko lehenengo epea, martxoaren 23ra arte, eta https://web.rockthesport.com/login webgunea egokitu dute horretarako. Epe horretan izena ematen dutenek 30 euro ordaindu beharko dituzte Getaria-Zarautz proba egiteko, eta 50 euro Zarautz-Getaria-Zarautz proban izena emanez gero. Bi ibilbideetan parte hartu nahi dutenek, aldiz, 65 euro ordaindu beharko dituzte.
Martxoaren 24an irekiko dute inskripzioak egiteko bigarren epea, maiatzaren 31ra arte; ekainaren 1ean hirugarren epea abiatuko dute, eta uztailaren 1ean, azkena. Epeek aurrera egin ahala, izen-ematea garestituko dute.
Bestalde, Itsas Zeharkaldiaren 49. edizioaren araudia argitaratu dute dagoeneko. Hona hemen proba bakoitzari dagokion araudia osorik.