Atzo, astelehena, Gipuzkoako Foru Aldundian izan ziren Lizardi institutuko 100 ikasle inguru. "Euskal sektore publikoa eta Gipuzkoako Foru Aldundiaren aurrekontuak eta antolaketa" ezagutzeko asmoz bertaratu ziren.
Lizardi institutua 2014. urtean batu zen fiskalitatearen inguruko unitate didaktikora. Proiektu honen helburua "ekonomiari eta zergei buruzko oinarrizko jakintza ikasleengana hedatzea" da, webgune baten bidez, DBH4tik aurrerako ikasleek "kontzientzia fiskala" garatu dezaten.