Udalak erosi duen partzelak 1.084 metro karratu inguru ditu, eta eraikinak hiru solairu izanik, guztira, 1.762 metro karratu erabilgarri ditu eremuak. Akordioaren arabera, 1.498.000 euroan erosiko du udalak eraikina. Musika Eskolako arduraduna den Iosu Isastik "gustura" daudela azaldu du. "Azken urteetako ametsa izan da musika eskola. Duela bost urte gauzatu zen amets hura, eta harrezkero oso gustura gaude. Ahizpekin daukagun harremana ere oso ona eta erraza da". Egun, 350 ikasle inguru joaten dira musika eskolara.
Xabier Txurrukak aurreratu duenez, musika eskolaz gain, bestelako kultur jardunetarako ere egokia izan daiteke behin Maria Inmaculada ikastetxea izandako eraikina.