Iban Zalduak iaz argitaratu zuen Sekula kontatu behar ez nizkizun gauzak ipuin bilduma. Azken lau urteetan idatzitako 32 ipuin jaso zituen bertan, eta Donostiako Elkar liburudendan egindako aurkezpenean, kontakizun guztiek badutela oinarri komun bat azaldu zuen: "Errebelatzen diren edo ez diren sekretuak daude istorioetan".
Sekula kontatu behar ez nizkizun gauzak liburuko zenbait pasarte bildu ditu Zalduak, eta gaur, igandea, errezitaldi musikatua egingo du Zarauzko Marina Txiki tabernan. 19:00etan emango diote hasiera saioari, eta Koruko Herasek girotuko du.