Euskara ardatz duten bi zutabek bat egin dute: Urola Kostako Hedabideek eta Zarauzko Ikastolak. Hitzartu dute Kilometroen berri elkarlanean ematea.
Hala, elkar eragin eta elikatuko dira oihartzuna emanez Kilometroen inguruan sortzen diren albisteei paperean, webguneetan zein sare sozialetan.
Izan ere, urriaren 6an Ni, Hi, Hura...Ikastola mundura! lelopean ospatuko den Kilometroen aurretik, hainbat ekitaldi eta ekintza izango dira. Hurrengo mugarria, hain zuzen, maiatzaren 3an izango da, orduan jakinaraziko baitute Kilometroen abestia.
Hitzarmena honakoek sinatu dute: Iñigo Ameztoi Salbatore Mitxelena Ikastolako lehendakariak, Onintza Lete HITZAko ordezkariak eta Nekane Artola Kilometroak Kultur Elkarteko lehendakariak.