Egile-eskubideak lagatzeko hitzarmena sinatu dute Fotos Xanti argazki dendako Xanti Iruretagoienak eta Zarauzko Udalak.
Hitzarmenari esker, Iruretagoienak 100 argazki bilduma inguru laga dizkio udalari, doan. Hainbat eratako argazkiak dira: estudioko argazki eta erreportajeak; bataioak, jaunartzeak, ezkontzak; aintzinako argazkiak; eta Zarauzko La Salle eta Getariako Herri Eskolako ikasle txartelen argazki bildumak, 1979 eta 1985 artekoak.
Udal ordezkariak, eskertuta
Xabier Txurruka alkatea eta Nekane Iribar Kultura zinegotzia "oso eskertuta" agertu dira Xanti Iruretagoienarekin.
Zarauzko Udalak lan hori guztia digitalizatuko du eta udal argazki artxiboan gordeko du, ondoren lana katalogatzeko eta hedatzeko. 1976tik honako argazkiak dira.