Zarauzko Argazkizale Elkartearen eskutik, oinarrizko argazkilaritza ikastaroa egingo dute Ebro Etxean. Maiatzaren 27tik ekainaren 19ra izango dira saioak, astelehenetan eta asteazkenetan, 20:00etatik 22:00etara. Beraz, guztira 20 orduko ikastaroa eskainiko dute. Elkarteko kideek azaldu dutenez, "oinarrizko kontzeptuak, kameraren erabilera eta edizio digitala" landuko dituzte bertaratzen direnek, eta praktika irteerak ere egingo dituzte.
Izen-ematea ireki dute dagoeneko; interesa dutenek, 667 548 939 telefono zenbakira deitu dezakete. Elkarteko bazkideak direnek 35 euro ordaindu beharko dituzte ikastaroan parte hartzeko, eta bazkideak ez direnek, 65 euro. Izen-ematea egiteko, parte hartzaileek diru kopuru hori sartu beharko dute ondorengo kontuan, kontzeptuan izen-abizenak txertatuta: Laboral Kutxa ES85-3035-0029-65-0290015621.