Aurten ere hainbat ikastaro prestatu dituzte Kirol Sailetik heldu, gazte zein haurrentzat eta hamabostaldika antolatuta egongo dira: uztaileko lehen hamabostaldia, bigarren hamabostaldia eta abuztuko lehen hamabostaldia. Ondorengoak dira antolatutako ikastaroak:
- Helduentzat (16 urtetik gora): Pilates, spinning, total training, zunba, akuafitness eta Getaria-Zarautz trabesia prestatzeko entrenamenduak (azken horrek 3 asteko iraupena izango du, trabesia ospatzen den astera arte).
- Gazteentzat (12-16 urte): Gaztefit, lehorreko eta uretako jarduerak nahastuko dituen astean hiru egunetako ikastaro anitza (total training, spining, zunba, jump, pilates, kalesport, waterpolo, akuafitness, igeriketa...)
- Haurrentzat Kirol Txokoak (2014-2007 urteetan jaioak). 09:30etik 13:00etara (aukeran doan 09:00-09:30 zaintza zerbitzua), dantzak, jolasak, trebezia zirkuituak, erraketa jolasak, igerilekuko jolasak... Begiraleak kirol teknikari eta magisteritzako profesionalak izango dira.
- Haurrentzat igeriketa intentsiboa: hamar eguneko ikastaro intentsiboak (Dordoka 1. maila, Karramarro 2. maila, Olagarro 3. maila, Igela 4.maila eta Marrazo 5. maila) eskainiko dira, 10:00etatik 12:00etara bitartean. Ikastaro honetan izen emateko epea ekainaren 4an irekiko da.