Ekainaren 22-23 asteburuan Piriniotara joango dira Pagoeta Mendizale Elkartekoak. Larunbatean, Belaguako aterpetik abiatuta Hiru Erregeen Mahaiko tontorrera igoko dira, eta ondoren, Linzako aterpean hartuko dute ostatu. Hurrengo egunean, Linzako aterpetik Anzotielloko lepora igo eta, handik, Ozako oihanera joango dira.
Irteeran izena emateko Pagoeta Mendizale Elkartearen egoitzara jo beharko da ekainaren 6an edo 13an, 20:00etatik 21:00etara. Irteeraren inguruko informazio gehiago nahi duenak eskuragarri dauka elkartearen webgunean.