Bizkaia Sariko probarik luzeena jokatu zuten atzo 23 urtez azpiko txirrindulariek Mungian, guztira 116 kilometrokoa. Ibilbideko azken 200 metroetan lortu zuen Mesak tropeletik ihes egin eta helmugako marra lehen postuan zeharkatzea. Hala, Mungiako Agustin Sagasti memoriala irabazi du Eulen taldeko txirrindulariak, eta bigarren eta hirugarren postuan geratu dira Alex Jaime Fernandez eta Francisco Galvan Fernandez, hurrenez hurren. Biak, Lizarte taldekoak.
Bizkaia Sariko sailkapen orokorrean, berriz, Lizarte taldeko Ibon Ruiz izan da txapeldun. Sailkapen horretako Jira-Bira taldeko lehen txirrindularia, berriz, Euken Gallego izan da.