Gero eta gutxiago falta da aurtengo San Pelaio jaietarako. Iñurritza Jai Batzordeak zein Danda Gazte Asanbladak dagoeneko argitaratu dituzte festetarako prestatutako egitarauak. Dandak antolatuta, hilaren 25ean, San Pelaio egunaren bezpera, herri bazkaria izango da Iñurritzan. 13:30eanjarri dute hitzordua, eta bazkalostean, jolas-jira musikatua egingo dute itsas pasealekuan barrena.
Herri bazkarirako txartelak salgai daude dagoeneko, Arrano, Eguzki eta Etxaiz tabernetan. 6 euro ordaindu beharko ditu pertsona bakoitzak. Menua ere iragarri dute jada; zizka-mizkak, barazki albondigak saltsan arrozarekin eta postrea. Dandako kideek azaldu dutenez, edaria ez da menuan sartuko, baina Iñurritza Jai Batzordearen txozna izango da bertan.
Hilaren 26an Arroza gauzakin bazkaria egingo dute Munoan, 15:00etan hasita, baina horretarako ez da txartelik eskuratu beharko.