Aurrera doaz Lauaxeta eta Aresti kaleetako obrak

Duela aste batzuk hasi zituzten urbanizazioaren kalitatea hobetzeko eta argiteria berritzeko lanak Lauaxeta eta Aresti kaleetan.

Construcciones Otegui Gaztañaga enpresari esleitu zizkion lanak Zarauzko Udalak, eta besteak beste, galtzada eta espaloiak maila berdinean jarriko dituzte. Urbanizazio lanekin batera, argiteria publikoa LED luminariekin berrituko dutela jakinarazi dute; baita sare elektrikoa eta saneamendu-sare osoa ere.

Lanen ondorioz, une honetan, Nafarroa kalea lur azpitik igarotzeko pasabidea itxita dago, eta oinezkoek Etxepare kalearen alboko zebrabidetik igaro beharko dute Nafarroa kalearen beste aldera.

 

Erlazionatuak

Lauaxeta eta Aresti kaleen urbanizazio lanak maiatzean hasiko dira

Zarautz

560.000 euroko aurrekontuarekin (BEZ barne), besteak beste, bi kaleetako espaloien egoerak hobetuko dituzte.