Sare plataformak antolatuta, Orain Presoak izeneko bizikleta itzulia egingo dute datorren astean; uztailaren 19tik 21era bitartean, hain zuzen. Luhusotik Gernikarainoko ibilbidea egingo dute, eta Zarautzen zein Lekeition izango dira geldialdiak. Hiru etapa izango ditu birak, eta lehen egunekoa Zarautzen amaituko da.
Hala, itzulian parte hartzen ariko direnei harrera egitera dei egin du Zarauzko Sarek. Bi hitzordu jarri dituzte horretarako: 18:30ean San Pelaioko gasolina hornigailuan, bizikletaz, edota 18:45ean Lege Zaharren Enparantzan. 20:00etan afaria izango da. Hurrengo egunean, uztailak 20, 10:00etan abiatuko da itzulia Zarauztik, Lekeitiora joateko.