Ikusgarria izan da beste behin ere probaren irteera. Igerilariak Getariako kaian bildu dira, eta mailaren arabera kolore jakin bateko txanoa zeramaten buruan. Urre koloreko txanoa zuten igerilariak atera dira lehenbizi, beltzezkoak jarraian eta berdezkoak ondoren. Hala, hamar minutuan behin eman zaie irteera igerilariei.
Urduritasunez gainezka egon dira igerilariak kortxozko lerroa noiz igoko. Une hori heltzerakoan, igerilarien besakadek sortutako aparrak hartu du portuko ura, eta han abiatu dira, kaiko bokalea zeharkatu eta Zarautzera bidean.