Jantoki soziala eta bertso saioa izango dira bihar Frontoi Txikin

Aurrera doa 'Toldotik at! Elkartasun udara' Danda Gazte Asanbladaren eta Gerizaren eskutik. Aste honetako jantoki sozialaren ostean, bertso saioaz gozatzeko aukera izango da.

Asteazkenero bezala, jantoki soziala izango da 21:00etatik aurrera Frontoi Txikin. Horren ostean bertso saio musikatuaz gozatzeko aukera izango da. Kantuan ariko diren bertsolariak Julen Zulaika, Uxue Alkorta, Aitor Urbieta eta Markel Eizagirre izango dira.