12. aldiz ospatuko dute aurten Euskaraz Bizi Eguna, Zarauzko Euskal Herrian Euskaraz elkarteak antolatuta. Irailaren 7an, larunbata, izango da egun handia, eta dagoeneko plazaratu dute eguneko egitaraua:
10:15. Herri lasterketan izen ematea.
11:00. XXIV. Herri lasterketa.
11:05. Irristaketa proba.
14:30. XXXIV. Herri Bazkaria.
18:30. Kalejira Manuela Ahizpekin.
Iluntzean, kontzertuak txosnagunean.
Herri bazkarirako txartelak aurrez erosi beharko dira, hain zuzen, ostiral honetan. 18:30etik aurrera Musika Plazan izango dira antolatzaileak txartelak saltzen. Aurtengoan menuak 14 euroko prezioa izango du, eta tomate entsalada, marmitakoa edo barazki paella, gazta, kafea eta kopa sartuko dira prezioan.