31. Aurresku Txapelketa ospatu da gaur eguerdian Lege Zaharren Enparantzan, Euskal Astearen barruko txapelketa ugarien arteko azkenetakoa. Hamabost dantzari aritu dira lehian, eta txapela iazko berak jantzi du: Katerin Artola oiartzuarrak.
Aurrena bina dantza eskaini ditu parte hartzaile bakoitzak, eta ondoren epaimahaiak erabaki du zein hamarrek jarraituko zuten dantzan. Bigarren partean dantza bana egin dute lehiakideek, eta azkenean, Artola jo dute garaile. Bigarren sailkatua Gorka Duran villabonarra izan da, eta hirugarrena, berriz, Maitane Irurtzun. Irune Urbieta Kultura zinegotziaren eskutik jaso dituzte sariak.
Hainbat txapelketa
Ohi bezala, Euskal Astearen barruan hainbat lehiaketa egin dira egunotan. Hemen ikus daitezke beste txapelketa horietako argazki bildumak.
Trikitilari Gazteen Txapelketa